ԱՄՆ-ն մեղադրել է Չինաստանին միջուկային փորձարկումներ անցկացնելու մեջ

Վաշինգտոնը տեղեկություններ ունի, որ Չինաստանը, ենթադրաբար, գաղտնի միջուկային փորձարկումներ է անցկացրել՝ խախտելով մորատորիումը։ Այս մասին հայտարարել է ԱՄՆ պետքարտուղարի՝ սպառազինությունների վերահսկման և միջազգային անվտանգության հարցերով տեղակալ Թոմաս ԴիՆանոն, հաղորդում է ՌԻԱ Նովոստին։

«Ես կարող եմ հայտնել, որ ԱՄՆ կառավարությունը տեղյակ է, որ Չինաստանը միջուկային պայթուցիկ նյութերի փորձարկումներ է անցկացնում, այդ թվում՝ հարյուրավոր տոննա թիրախային հզորությամբ փորձարկումների նախապատրաստման աշխատանքներ», - ասել է նա Ժնևում զինաթափման վերաբերյալ կոնֆերանսում։

Դիվանագետի խոսքով՝ չինական զինվորականները, ենթադրաբար, փորձել են քողարկել պայթյունները՝ գիտակցելով, որ նման փորձարկումները խախտում են մորատորիումը։