«Զվարճանքի համար գողություն»․ զբոսաշրջիկին արտաքսել են Թաիլանդից
Հասարակություն
Թաիլանդում ռուսաստանցի զբոսաշրջիկին արտաքսել են խանութներից մանր գողություններ կատարելու համար։ Ըստ TourDom-ի՝ դեպքը տեղի է ունեցել Փհուկետ կղզում, որտեղ 40-ամյա կինը հանգստանում էր իր 13-ամյա որդու, ինչպես նաև ընկերուհու և նրա թոռնուհու հետ։ Տեղում կանայք որոշել են խանութներից գողություն անել «զվարճանալու համար», թեև ֆինանսական խնդիր չեն ունեցել։
Շուտով նրանցից մեկին բռնել են փողոցային տաղավարում գողության պահին, իսկ մյուսի արարքը ֆիքսել են տեսախցիկները։ Կինը հայտնվել է ոստիկանությունում՝ անչափահաս որդուն թողնելով միայնակ օտար երկրում։ Նրան օգնելու խոստումով միջնորդները պահանջել են մեծ գումար, սակայն փոխանցված միջոցներով անհետացել են։
Վերջում դատարանը կնոջը տուգանել է 20 հազար բատով և որոշել արտաքսել երկրից։ Բացի տուգանքից, նա ստիպված է եղել վճարել նաև արտաքսման և վերադարձի հետ կապված ճանապարհածախսերը՝ ընդհանուր առմամբ հարյուր հազարավոր ռուբլիների չափով։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
