Սինգապուրում 97-ամյա տղամարդը որոշել է ամուսնանալ և հայտնվել է դատարանում

Սինգապուրում դատարանը 97-ամյա տղամարդուն ճանաչել է հոգեպես առողջ, այն բանից հետո, երբ նրա որդին փորձել է խանգարել նրա ամուսնությանը, հաղորդում է Oddity Central-ը։

Սինգապուրում ընտանեկան դատարանը մերժել է 97-ամյա գործարարի որդու՝ հորն անգործունակ ճանաչելու միջնորդությունը՝ որոշելով, որ տարեց տղամարդը պահպանում է ինքնուրույն որոշումներ կայացնելու կարողությունը, այդ թվում՝ ամուսնության և գույքի կառավարման հարցերում։

Գործարարը իր վաղեմի զուգընկերուհուն բերել է իր տուն, ինչը լարվածություն է առաջացրել ընտանիքում։ Կոնֆլիկտը սրվել է, երբ նա հայտարարել է վերամուսնանալու իր մտադրության մասին։ Այդ ժամանակ էլ որդին հայց է ներկայացրել Սինգապուրի ընտանեկան դատարան՝ պնդելով, որ իր հայրը 2017 թվականին ընկնելուց հետո ձեռք է բերել դեմենցիա, և որ իր զուգընկերոիմանիպուլյացիայի է ենթարկում իրեն։

Որդին նաև պնդել է, որ իր հայրը՝ 1960-ականներին հիմնադրված քիմիական ընկերության սեփականատերը, փոփոխել է իր կտակը, իրեն և թոռանը զրկելով ժառանգությունից։ Ի պատասխան՝ տարեց տղամարդը հակընդդեմ հայց է ներկայացրել՝ պահանջելով վերադարձնել 3 միլիոն դոլարը և ընկերության ակտիվները, ինչպես նաև փորձել է թոռանը վտարել իր տնից։

Դատաբժշկական փորձաքննությունը ցույց է տվել, որ թոշակառուն տարիքային առումով թեթև ճանաչողական անկում և հիշողության կորուստներ ունի, բայց լիովին կոմպետենտ է։ Դատարան ներկայացված աուդիոձայնագրությունները հաստատել են, որ նա գիտակցում թ իր գործողությունների հետևանքները և որոշումներ է կայացնում ինքնուրույն։