Ռուբիոն մեղադրանքներ է հնչեցրել Ռուսաստանի հասցեին
Աշխարհ
Պետքարտուղար Մարկո Ռուբիոն մեղադրել է Ռուսաստանին Ռազմավարական հարձակողական սպառազինությունների մասին պայմանագրի (ՌՀՍՊ) պահանջները չկատարելու մեջ և կոչ է արել կնքել նոր համաձայնագիր, որը կներառի նաև Չինաստանը։ Քաղաքական գործիչը այս մասին գրել է իր հոդվածում։
«Ռուսաստանը 2023 թվականին դադարեցրել է իր մասնակցությունը ՌՀՍՊ–ին, չնայած տարիներ շարունակ խախտել է դրա դրույթները (...)։ Միացյալ Նահանգները ընտրության առաջ են կանգնած՝ միակողմանիորեն պարտավորվել կամ ճանաչել, որ նոր դարաշրջանը պահանջում է նոր մոտեցում։ Ոչ թե հին, բարի ՌՀՍՊ, այլ ինչ-որ նոր բան։ Պայմանագիր, որը ճանաչում է, որ Միացյալ Նահանգները շուտով ստիպված կլինի գործ ունենալ ոչ թե մեկ, այլ երկու միջուկային տերությունների՝ Ռուսաստանի և Չինաստանի հետ», - նշել է ԱՄՆ պետքարտուղարը։
Ռուբիոյի խոսքով՝ ամերիկյան կողմը գիտակցում է, որ գործընթացը կարող է ժամանակ պահանջել։
«Նախկին համաձայնագրերը, այդ թվում՝ ՌՀՍՊ–ն, հիմնված են եղել վաղեմի նախադեպերի վրա։ Ավելին, դրանք կնքվել են երկու տերությունների միջև, ոչ թե երեք կամ ավելի։ Սակայն, եթե ինչ-որ բան դժվար է տրվում, չի նշանակում, որ չպետք է ձգտենք նպատակին կամ բավարարվենք ավելի քիչով», - նշել է պետքարտուղարը։
ՈՒՂԻՂ ԵԹԵՐ
Ամենադիտված 
Ջուր չի լինի հուլիսի 28-ին ժամը 07.00-ից մինչև հուլիսի 29-ը ժամը 07.00-ն
