ԵՄ-ում կարող է ճեղք առաջանալ ռուսական պողպատի ներմուծումն արգելելու ծրագրերի շուրջ

Եվրախորհրդարանի առաջարկը՝ Ռուսաստանից Եվրոպա պողպատի մատակարարումը լիովին արգելելու մասին, կարող է պառակտումներ առաջացնել Եվրոպական Միության ներսում, հաղորդում է Politico-ն։

Հրապարակումը հաղորդում է, որ եվրոպացի խորհրդարանականները «ընդհանուր առմամբ աջակցել են» այն փոփոխություններին, որոնք թույլ կտան Բրյուսելին լիովին դադարեցնել ռուսական պողպատի մատակարարումը։ Սակայն որոշ երկրներ համաձայն չեն այս նախաձեռնության հետ։

«Ռուսական պողպատի արգելքի կոչերը հիմք են հանդիսանում խորհրդարանի և ԵՄ մայրաքաղաքների միջև դիմակայության համար, որոնք շարունակում են ներմուծել որոշակի ապրանքներ և սպառնում են վետո դնել նախաձեռնությանը։ Այլ կառավարություններ կարող են առարկել խորհրդարանի միջամտությանը անվտանգության հարցերում», - գրում է Politico-ն։