Վրաստանը 2025թ. Հայաստան է վերարտահանել ավելի քան 22 մլն դոլարի նավթամթերքներ

2025թ․ Վրաստանը գնել է 1.35 միլիարդ դոլար արժողությամբ 1.8 միլիոն տոննա նավթամթերք։ Նավթի ներմուծման արժեքն ավելացել է 4 տոկոսով, ծավալն ավելացել է 13 տոկոսով։ Այս մասին տեղեկացրել է վրացական BMG լրատվական գործակալությունը։

2025թ․ Վրաստանը նաեւ վերարտահանել է նավթամթերք, մասնավորապես՝ 69 միլիոն դոլար արժողությամբ 90 հազար տոննա վառելիք։

Ամենամեծ վերարտահանումն ուղղվել է Նիդեռլանդներին (27.6 միլիոն դոլար արժողությամբ), Հայաստանին (22.5 միլիոն դոլար արժողությամբ) եւ Ադրբեջանին (14 միլիոն դոլար արժողությամբ)։