Ճապոնիայի վարչապետ Սանաե Տակաիչին խոստացել է իրականացնել հարկային կրճատումներ
Աշխարհ
Ճապոնիայի վարչապետ Սանաե Տակաիչին խոստացել է իրականացնել հարկային կրճատումներ և պահպանել կառավարության ներկայիս կազմը՝ իշխող Լիբերալ-դեմոկրատական կուսակցության (LDP) «պատմական» հաղթանակից հետո, գրում է Al Jazeera-ն՝ հղում անելով պաշտոնական տվյալներին։
Վերլուծաբանների կարծիքով՝ հաղթանակը պայմանավորված է Տակաիչիի բարձր ժողովրդականությամբ․ նա Ճապոնիայի առաջին կին վարչապետն է և այժմ ունի լայն մանդատ՝ իրականացնելու փոփոխություններ անվտանգության, ներգաղթի և տնտեսական քաղաքականության ոլորտներում։
Տակաիչին հայտարարել է, որ առաջ կմղի սպառման հարկի կրճատումը, այդ թվում՝ պարենային ապրանքների հարկի ժամանակավոր վերացումը՝ բնակչության կյանքի ծախսերը թեթևացնելու համար։ Նա նաև ընդգծել է, որ ներկայիս կառավարությունը «լավ թիմ» է և փոփոխությունների կարիք չունի։
Ընտրությունների արդյունքը ողջունել են ԱՄՆ նախագահ Դոնալդ Թրամփը, Հարավային Կորեայի նախագահ Լի Ջե Մյոնը, ինչպես նաև Հնդկաստանի, Իտալիայի և Թայվանի ղեկավարները։ Միաժամանակ փորձագետները նշում են, որ Տակաիչիի կոշտ դիրքորոշումը Թայվանի հարցում կարող է լարվածություն առաջացնել Չինաստանի հետ:
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
