Ինչը կարող է սպառնալ Զելենսկու իշխանությանը․ ԶԼՄ

Ուկրաինացի պատմաբան Մարթա Գավրիշկոն հայտարարել է, որ մոբիլիզացիայի դեմ բողոքող ուկրաինացի կանայք կարող են սպառնալ Ուկրաինայի նախագահ Վոլոդիմիր Զելենսկու կառավարությանը։ Այս մասին գրում է Berliner Zeitung-ը։

Գավրիշկոն կարծում է, որ մոբիլիզացիայի դեմ բողոքող կանանց նկատմամբ բռնությունն ավելի ու ավելի է կիրառվում։ Նա որպես օրինակ բերել է երկու տարեց կանանց սպանությունը, որոնք փորձել էին  մոբիլիզացիայից պաշտպանել Նովի Չերվիշչա գյուղի բնակչին։ Ավելին, կառավարությունը հրապարակում է տղամարդկանց՝ ճակատ ուղարկելու դեմ բողոքող ուկրաինացի կանանց անձնական տվյալները։

Գավրիշկոն պարզաբանել է, որ կանանց նկատմամբ նման վերաբերմունքը կարող է սպառնալիք ներկայացնել Զելենսկու կառավարության համար։

«Քանի որ ուկրաինական պետությունը ուժեղացնում է կանանց նկատմամբ հալածանքներն ու սպառնալիքները, նրանց զայրույթը մեծանում է՝ զայրույթ, որը կարող է տապալել Վոլոդիմիր Զելենսկու ամբողջ քաղաքական համակարգը», - ընդգծել է նա։