Իսրայելի զինվորականները Լիբանանի հարավում գերի են վերցրել իսլամիստների հրամանատարի

Իսրայելի հատուկջոկատայինների ստորաբաժանումը ներթափանցել է Լիբանանի տարածք և գերի վերցրել «Քուվվաթ ալ-Ֆաջր» կազմավորման հրամանատարներից մեկին, որը հանդիսանում է սուննիական «Ալ-Ջամաա ալ-Իսլամիա» կազմակերպության զինված թևը։ Այդ մասին նշվում է իսլամիստական խմբավորման հայտարարությունում, որը տարածվել է X սոցիալական հարթակում։

 

Հայտարարության մեջ նշվում է, որ գործողությունն իրականացվել է կիրակիից երկուշաբթի գիշերը՝ սահմանամերձ Հասբայյա շրջանի Էլ-Խաբբարիա բնակավայրում։

 

«Օկուպացիոն ուժերը առևանգել են մեր ռազմական ներկայացուցիչ Աթվի Աթվիին նրա տնից և տեղափոխել Իսրայելի տարածք», — ասվում է հայտարարության մեջ։

 

Սուննիական կազմակերպությունը, որը 2024 թվականի հակամարտության ընթացքում հանդես էր եկել որպես շիական «Հեզբոլլահ» շարժման դաշնակից, դատապարտել է իսրայելական զինվորականների գործողությունները և կոչ արել Լիբանանի կառավարությանը հասնել գերեվարված բոլոր լիբանանցի քաղաքացիների ազատմանը։