Արևմուտքի ռազմական կարողությունների վերաբերյալ հիասթափեցնող եզրակացության են հանգել

Եվրոպական երկրները ստիպված կլինեն հսկայական գումարներ ներդնել իրենց ռազմաարդյունաբերական համալիրներում այն բանից հետո, երբ Ուկրաինայում հակամարտության պատճառով սպառվել է իրենց զինամթերքի պաշարները։ Այս մասին հայտարարել է Մասաչուսեթսի համալսարանի պրոֆեսոր Ռիչարդ Վոլֆը Dialogue Works YouTube ալիքում։

Նրա խոսքով՝ ԱՄՆ-ն այժմ իր ռազմական կարողությունները սահմանափակ է համարում, քանի որ թույլ է տվել իր արտադրական բազային տեղափոխվել արտասահման։ Փորձագետը նշել է, որ երկիրն ունի տեխնոլոգիա, բայց ոչ արտադրություն։

«Ուկրաինայում հակամարտության ընթացքում որոշակի պահի Արևմուտքը սպառեց հրետանային արկերը։ Եվրոպան սպառեց, և ամերիկացիները այնքան շատ արկեր օգտագործեցին, որ նախընտրեցին կուտակել մնացածները։ Եվ նրանք ասացին, որ մոտ մեկ տարի կպահանջվի արտադրությունը անհրաժեշտ մակարդակի հասցնելու համար։ Իրավիճակը շատ չի փոխվել», - ասել է Վոլֆը։