Մեքսիկայում արթնացող հրաբուխը զարմացրել է գիտնականներին

Գիտնականները ակտիվության նշաններ են գրանցել Մեքսիկայի Էլ Չիչոն հրաբխում, որը 1982 թվականի ավերիչ ժայթքումից հետո ավելի քան 40 տարի համեմատաբար հանգիստ է եղել, հաղորդում է Daily Mail-ը։

Հետազոտողները հայտնել են, որ 2025 թվականի հունիսից մինչև դեկտեմբեր ընկած ժամանակահատվածում հրաբխի խառնարանի ներսում հայտնաբերվել են բարձր ջերմաստիճաններ, գազերի արտանետումներ և անսովոր ծծմբի առաջացումներ։ Գրանցված փոփոխությունները ներառում էին խառնարանի լճի հատակում ջերմաստիճանի բարձրացում, դրա գույնի փոփոխություն կանաչից մոխրագույնի և ջրի քիմիական կազմի տատանումներ, այդ թվում՝ սուլֆատների, սիլիցիումի և քլորիդների բարձր կոնցենտրացիաներ։ Գիտնականները նաև գրանցել են ջրածնի սուլֆիդի և ածխաթթու գազի արտանետումներ, որոնք, եթե կուտակվեն, կարող են վտանգ ներկայացնել մարդկանց և կենդանիների համար։

Ավելին, խառնարանի ներսում հայտնաբերվել են խոռոչ ծծմբի գնդիկներ, որոնք ձևավորվել են հեղուկ ծծմբի ավազաններում՝ հազվագյուտ երևույթ, որը վկայում է ակտիվ հիդրոթերմալ պրոցեսների մասին։