ՌԴ-ում ՀՀ դեսպանատան կողմից արհամարհական վերաբերմունք է եղել.ո’չ դիմավորել են, ո’չ հանդիպել պատգամավորներին

ՌԴ-ում ՀՀ դեսպանատան կողմից արհամարհական վերաբերմունք է եղել աշխատանքային այցով Մոսկվա մեկնած ԱԺ պատգամավորներին։
Դեսպան Գուրգեն Արսենյանը  ո՛չ դիմավորել է  ԱԺ պատգամավորների հետ, ո՛չ էլ հանդիպել է նրանց հետ։

Այսպիսով, ՀՀ ԱԺ պատվիրակությունը դեկտեմբերի 1-3-ը մեկնել է Մոսկվա՝  «ԱՊՀ երկրների միջխորհրդարանական համագործակցության մեջ քաղաքական կուսակցությունների դաշինքների եւ բլոկների փոխգործակցության դերը» խորագրով 6-րդ միջազգային համաժողովին մասնակցելու համար։ 

Պատվիրակության կազմում եղել են «Պատիվ ունեմ» խմբակցության ղեկավար Հայկ Մամիջանյանը, «ՔՊ»-ական Միքայել Թումասյանն ու «Հայաստան» խմբակցության պատգամավոր Մհեր Մելքոնյանը։

Euromedia24-ի հետ զրույցում ԱԺ պատգամավոր Մհեր Մելքոնյանը մանրամասներ է պատմում  Մոսկվա այցից․

«Դեսպանատան աշխատակիցները ո՛չ հանդիպել, ո՛չ զրուցել, ո՛չ էլ դիմավորել կամ ճանապարհել են մեզ , այդ երկու օրվա ընթացքում կապ չի եղել նրանց հետ։

Ցավալին այն է, որ ադրբեջանական պատվիրակությանը, ժամանելուն պես, իրենց դեսպանը դիմավորել է, դեսպանատան աշխատակիցները ուղեկցել են, անընդհատ իրենց կողքին էին, իսկ մեզ մոտ տպավորություն էր, որ ո՛չ դիվանագիտական  ներկայացուցչություն ունենք, ո՛չ էլ  աշխատողներ»,-ասաց Մելքոնյանը՝ հավելելով, որ գրավոր հարցում է ուղարկելու ԱԳՆ, պարզելու՝ ինչո՞ւ են նման վերաբերմունքի արժանանում ԱԺ  պատգամավորները․

«Սա, կոպիտ ասած, արհամարհական վերաբերմունք էր դեսպանության կողմից»,-եզրափակեց Մելքոնյանը։