iPhone 17-ին մրցակցող սմարթֆոններ․ ներկայացվել են ավելի մատչելի այլընտրանքներ

BGR պարբերականի լրագրողները ներկայացրել են մի շարք չինական սմարթֆոններ, որոնք կարող են դառնալ iPhone 17-ի այլընտրանք՝ առաջարկելով բարձր տեխնիկական հնարավորություններ և ավելի մատչելի գին։ Նրանց գնահատմամբ՝ iOS համակարգին չկապված օգտատերերը կարող են ընտրել Android հարթակի հզոր ֆլագմանային սարքեր։

Այլընտրանքների թվում նշվում է OnePlus 15-ը, որն ունի 12 ԳԲ օպերատիվ հիշողություն, 165 Հց թարմացման հաճախականությամբ մեծ էկրան և 7300 մԱժ հզորությամբ մարտկոց։ Ցանկում ընդգրկվել է նաև Xiaomi 17-ը՝ Snapdragon 8 Elite Gen 5 պրոցեսորով, երեք 50 մեգապիքսելանոց տեսախցիկով և 7000 մԱժ մարտկոցով։

Լրագրողները առանձնացրել են նաև Realme GT 8 Pro-ն՝ 200 մեգապիքսելանոց հեռաֆոտո տեսախցիկով, Nubia Z80 Ultra-ն՝ հզոր սառեցման համակարգով, ինչպես նաև Honor Magic 8 Pro-ն, որն ունի 50 մեգապիքսելանոց հիմնական սենսոր և 200 մեգապիքսելանոց հեռաֆոտո տեսախցիկ՝ արհեստական բանականության աջակցությամբ։ Ավելի վաղ Bloomberg-ը հայտնել էր, որ Apple-ը մոտ ապագայում նախատեսում է ներկայացնել նաև iPhone 17e-ը և նոր iPad-ներ ու M5 պրոցեսորով համակարգիչներ։