Տղամարդը սպանել է սեփական դստերը՝ Թրամփի պատճառով

Բրիտանուհին, որին հայրը կրակել և սպանել է Թեքսասում գտնվող նրա տուն այցելելու ընթացքում, քննիչները տվյալներով, նույն օրը ավելի վաղ վիճել է դստեր հետ ԱՄՆ նախագահ Դոնալդ Թրամփի շուրջ, հաղորդում է BBC News-ը։

Անգլիայի Չեշիր քաղաքից Լյուսի Հարիսոնը կրծքավանդակին կրակոց է ստացել 2025 թվականի հունվարի 10-ին Դալասի մոտակայքի Պրոսպեր քաղաքում։ Դալասի ոստիկանությունը 23-ամյա երիտասարդ կնոջ մահը հետաքննել է որպես հնարավոր մարդասպանություն, սակայն Քրիս Հարիսոնի դեմ քրեական մեղադրանք չի առաջադրվել, քանի որ Քոլին շրջանի մեծ ժյուրին հրաժարվել է նրան մեղադրանք առաջադրել։

Ավելի վաղ Չեշիրի դատաբժշկական դատարանում սկսվել էր Լյուսի Հարիսոնի մահվան հետաքննությունը, որտեղ նրա ընկերը՝ Սեմ Լիթլերը, նկարագրել էր «մեծ վեճ» Թրամփի շուրջ, որը պատրաստվում էր երկրորդ ժամկետով առաջադրվել։ Լիթլերը, որը Լյուսի Հարիսոնի հետ արձակուրդներին եկել էր Միացյալ Նահանգներ, պատմել է, որ աղջիկը հաճախ էր բարկանում հոր վրա, երբ վերջինս խոսք էր բացում, թե ինքը զենք ունի։

Հետաքննության ընթացքում պարզվել է նաև, որ Քրիս Հարիսոնը, որը տեղափոխվել էր Միացյալ Նահանգներ, երբ նրա դուստրը դեռ երեխա էր, նախկինում ալկոհոլային կախվածության դեմ վերականգնողական բուժում էր անցել։

Քրիս Հարիսոնը, որը ներկա չէր հետաքննությանը, դատարանին ներկայացված հայտարարության մեջ խոստովանել է, որ կրակոցների օրը կրկին սկսել է կախվածություն ունենալ և խմել է մոտ 500 մլ սպիտակ գինի։