Ղրղզստանի անվտանգության կոմիտեի ղեկավարն ազատվել է պաշտոնից
Աշխարհ
Ղրղզստանի նախագահի հրամանագրով Կամչըբեկ Տաշիևը հեռացվել է երկրի Ազգային անվտանգության պետական կոմիտեի նախագահի և կառավարության փոխնախագահի պաշտոններից։
Նախագահի մամուլի ծառայությունից հայտնել են, որ ր որոշումն ընդունվել է «պետության շահերից ելնելով»։
Միամանակ, Ժապարովը հրամանագրեր է ստորագրել անվտանգության կառուցվածքային փոփոխությունների մասին։ Սահմանային ծառայությունը դուրս է բերվել կոմիտեի կազմից և դարձել առանձին գերատեսչություն։ Իսկ 9-րդ ծառայությունը վերափոխվել է Պետական պահպանության ծառայության՝ ենթարկվելով անմիջապես նախագահին։
Ինքը՝ Տաշիևը, ներկայումս բուժում է անցնում Գերմանիայում։ Ըստ հաղորդագրությունների՝ նա իր հեռացման մասին իմացել է նախագահի հրամանագրի հրապարակումից հետո։
57-ամյա Կամչըբեկ Տաշիևը Սադիր Ժապարովի ամենամոտ դաշնակիցներից է։ 2020 թվականի հոկտեմբերին Ժապարովի իշխանության գալուց հետո Տաշիևը գլխավորել է անվտանգությա կոմիտեն և դարձել կառավարության փոխնախագահ։
Նախկինում, նախորդ նախագահների օրոք, Տաշիևը եղել է ընդդիմադիր քաղաքական գործիչ և 2010-ականներին Ժապարովի հետ միասին մեղադրվել է իշխանության զավթման փորձի գործով։ Երկուսն էլ դատավարության ընթացքում գտնվել են կալանքի տակ։
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
