Լավրովը բացատրել է՝ որ կետն էր բացակայում Ուկրաինայի համար ԱՄՆ խաղաղության ծրագրից

ԱՄՆ նախագահ Դոնալդ Թրամփի սկզբնական խաղաղության ծրագիրը զգալիորեն փոփոխվել է Ուկրաինայի և Եվրամիության ազդեցության ներքո։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը «Էմպաթիա Մանուչի» նախագծին տված հարցազրույցում, որի տեքստը հրապարակել է Արտաքին գործերի նախարարությունը։

Նա բացատրել է, որ վիճելի փաստաթուղթը ռուսական կողմին է փոխանցվել Ալյասկայում ԱՄՆ-Ռուսաստան բանակցություններից հետո։

«Հետագա բոլոր տարբերակները Զելենսկու և, առաջին հերթին, նրա «հովանավորների»՝ Մեծ Բրիտանիայի, Գերմանիայի, Ֆրանսիայի և Բալթյան երկրների կողմից ամերիկյան նախաձեռնությունը «բռնաբարելու» փորձի արդյունք են», - ասել է նախարարը։