Նորվեգիան սկսել է պատրաստվել ռուսական «ներխուժմանը»

Նորվեգիայի զինված ուժերի գերագույն գլխավոր հրամանատար Էյրիկ Քրիստոֆերսենը հայտարարել է, որ չի բացառում ռուսական ներխուժումը, և Օսլոն պատրաստվում է նման սցենարի, գրում է The Guardian-ը։

Նա կարծում է, որ Ռուսաստանը կարող է հարձակվել Նորվեգիայի վրա՝ իր միջուկային օբյեկտները պաշտպանելու հեռավոր հյուսիսում։

«Մենք չենք բացառում Ռուսաստանի կողմից տարածքային բռնազավթումը՝ որպես իր միջուկային ներուժը պաշտպանելու ծրագրի մաս, որը միակն է, որ մնացել է նրա մոտ և որը իրականում սպառնում է Միացյալ Նահանգներին», - ասել է Քրիստոֆերսենը։

Ռազմական պաշտոնյան նշել է, որ Ռուսաստանի միջուկային զինանոցի զգալի մասը գտնվում է Կոլա թերակղզում՝ Նորվեգիայի հետ սահմանի մոտ։ «Սա կարող է վճռորոշ լինել, եթե Մոսկվայի և ՆԱՏՕ-ի միջև ուղղակի բախում տեղի ունենա», -նշել է նա։

«Մենք չենք բացառում նման տարբերակը, քանի որ Ռուսաստանը դեռ կարող է դա անել՝ իր միջուկային ներուժը, իր երկրորդ հարվածի ներուժը պաշտպանելու համար։ Սա այն սցենարն է հյուսիսում, որին մենք պատրաստվում ենք», - հայտարարել է զինված ուժերի գերագույն գլխավոր հրամանատարը։