Երբ այցելեցի Հայաստան, Ծիծեռնակաբերդում կանգնած՝ հստակ ու առանց ներողամտության խոսեցինք Հայոց ցեղաuպանnւթյան մասին. Նենսի Փելոսի
Արտաքին Քաղաքական
Երբ ես 2022 թվականին այցելեցի Հայաստան՝ որպես խոսնակ, մեր Կոնգրեսի պատվիրակությունը, կանգնած Ծիծեռնակաբերդում, հստակ ու առանց ներողություն խնդրելու խոսեց Հայոց ցեղասպանության մասին, քանի որ ճշմարտությունը կարևոր է։ Այս մասին իր X-ի էջում գրել է ԱՄՆ Կոնգրեսի Ներկայացուցիչների պալատի նախկին խոսնակ Նենսի Փելոսին:
«Այդ ճշմարտությունը վերահաստատվեց, երբ Ներկայացուցիչների պալատը 2019 թվականին մեծամասնությամբ ընդունեց երկկուսակցական բանաձևը՝ ճանաչելով Հայոց ցեղասպանությունը, և երբ նախագահ Բայդենը 2021 թվականին ցուցաբերեց բարոյական առաջնորդություն՝ պաշտոնապես ընդունելով այն. մի դիրքորոշում, որը ամոթալիորեն հետ է շրջվել Թրամփի վարչակազմի կողմից։
Խորապես հիասթափեցնող է, թեև ոչ զարմանալի, տեսնել, որ փոխնախագահը ջնջում է այդ ճշմարտությունը ճանաչող գրառումը։ Պատմության ջնջումը անարգում է զոհերի հիշատակը և թուլացնում մեր հանձնառությունը մարդու իրավունքներին ամբողջ աշխարհում»,-գրել է Փելոսին:
Ավելի վաղ ԱՄՆ փոխնախագահ Ջեյ Դի Վենսի՝ X-ի էջում Ծիծեռնակաբերդի հուշահամալիր այցելության մասին գրառումը ջնջվել է, ապա վերահրապարակվել առանց «Հայոց ցեղասպանnւթյnւն» արտահայտության:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
