Մեծ Բրիտանիայի պաշտպանության նախարարը Ռուսաստանին Արկտիկայում «ամենալուրջ սպառնալիք» է անվանել
Աշխարհ
Մեծ Բրիտանիան ամրապնդում է իր Արկտիկայի և Վերին Հյուսիսի պաշտպանությունը՝ Ռուսաստանի կողմից ներկայացվող սպառնալիքի պատճառով։ Այս մասին հայտարարել է Մեծ Բրիտանիայի պաշտպանության նախարար Ջոն Հիլին, ում խոսքերը մեջբերվել են Մեծ Բրիտանիայի կառավարության կայքում։
«Պաշտպանական ճնշումներն աճում են, և Ռուսաստանը ներկայացնում է Արկտիկայի և Վերին Հյուսիսի համար ամենամեծ անվտանգային սպառնալիքը, որը մենք տեսել ենք Սառը պատերազմից ի վեր։ Մենք տեսնում ենք, թե ինչպես է Ռուսաստանի նախագահ Վլադիմիր] Պուտինը արագ վերականգնում ռազմական ներկայությունը տարածաշրջանում՝ ներառյալ Սառը պատերազմի դարաշրջանի հին բազաների վերաբացումը», - ասել է Հիլին՝ նշելով, որ ի պատասխան՝ Մեծ Բրիտանիան կրկնապատկում է Նորվեգիայում զորքերի թիվը և ընդլայնում է ՆԱՏՕ-ի դաշնակիցների հետ համատեղ զորավարժությունների շրջանակը։
Հիլին հավելել է, որ այս տարի հազարավոր զորքեր կտեղակայվեն Արկտիկայում և Հյուսիսատլանտյան օվկիանոսում՝ «Սառը արձագանք» և «Առյուծի պաշտպան» գործողությունների շրջանակներում, որտեղ Մեծ Բրիտանիան առաջատար դեր կխաղա։
«Մենք միասին մարզվում ենք, միասին կանխում ենք, և անհրաժեշտության դեպքում միասին կպայքարենք», - եզրափակել է նախարարը։
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
