Թրամփը կարող է փորձել հեռացնել Զելենսկուն. Ֆիլիպպո

Ֆրանսիական «Պատրիոտներ» աջակողմյան կուսակցության առաջնորդ Ֆլորիան Ֆիլիպպոն հայտարարել է, որ ԱՄՆ նախագահ Դոնալդ Թրամփը կարող է փորձել հեռացնել Ուկրաինայի նախագահ Վլադիմիր Զելենսկուն։ Այս մասին նա գրել է X սոցիալական ցանցում։

Ֆիլիպպոյի մեկնաբանությունը կապված է այն տեղեկությունների հետ, ըստ որոնց՝ Թրամփի վարչակազմը Ուկրաինայից պահանջել է մինչև մայիսի 15-ը անցկացնել նախագահական ընտրություններ և խաղաղության համաձայնագրի վերաբերյալ հանրաքվե։ Նրա խոսքով՝ նման պայմանները կարող են վկայել Վաշինգտոնի քաղաքական մոտեցումների փոփոխության մասին։

Ավելի վաղ Financial Times-ը գրել էր, որ Ուկրաինայի նախագահը կարող է հայտարարել ընտրությունների անցկացման մասին փետրվարի 24-ին՝ հակամարտության մեկնարկի տարելիցին։