78.ru․ Սանկտ Պետերբուրգում հարձակվել են բլոգեր Էլդար Ջարախովի քրոջ վրա

Ռուս բլոգեր և ռեփեր Էլդար Ջարախովը պատմել է Սանկտ Պետերբուրգում իր քրոջ վրա տեղի ունեցած հարձակման մասին։ Այս մասին հայտնում է 78.ru-ն՝ ներկայացնելով միջադեպի մանրամասները։

Ջարախովի քույրը՝ Էսմիրան, Մոսկվայից ժամանել էր Սանկտ Պետերբուրգ և երկաթուղային կայարանի մոտ սպասում էր տաքսիի։ Այդ պահին նրան մոտեցել է անծանոթ մի կին, փորձել վերցնել նրա պայուսակները և հայտարարել, թե դրանք իրենն են։ Վիճաբանության ընթացքում կինը հարվածել է աղջկան, իսկ անցորդները սկզբում չեն արձագանքել տեղի ունեցածին։

Էսմիրայի խոսքով՝ հարձակվողը կրկին մոտեցել է, երբ նա շարժվել է դեպի տաքսին, գետնին գցել նրան և քաշել մազերից։ Աղջիկը կարողացել է հեռանալ դեպքի վայրից տաքսու վարորդի օգնությամբ և դիմել է ոստիկանություն։ Իրավապահները հետաքննում են միջադեպի հանգամանքները։