Reuters․ նավթի համաշխարհային գները կտրուկ աճել են՝ հասնելով ավելի քան 70 դոլարի

Փետրվարի 11-ին Brent տեսակի նավթի ֆյուչերսների գինը բարձրացել է ավելի քան 2 տոկոսով՝ առաջին անգամ հունվարի վերջից անցնելով 70 դոլարը մեկ բարելի դիմաց։ Այս մասին վկայում են միջազգային բորսաների տվյալները, որոնց անդրադարձել է Reuters գործակալությունը։

Գների աճը, ըստ աղբյուրի, կապված է Վաշինգտոնի և Թեհրանի միջև լարվածության ուժեղացման հետ։ Իրանի ԱԳՆ-ն հայտարարել է, որ միջուկային ծրագրի շուրջ բանակցությունները ցույց են տվել կողմերի պատրաստակամությունը շարունակելու դիվանագիտական ջանքերը, իսկ ԱՄՆ նախագահ Դոնալդ Թրամփը նշել է, որ քննարկում է Մերձավոր Արևելք ևս մեկ ավիակիր ուղարկելու հնարավորությունը։

Առևտրային օրվա ընթացքում Brent նավթի գինը հասել է մոտ 70,26 դոլարի՝ աճելով 2,12 տոկոսով։ Ավելի վաղ նավթի արժեքը բարձրացել էր մինչև 71 դոլար, սակայն հետո նվազել էր շուկայի այն գնահատականների ֆոնին, որ Վաշինգտոնը կարող է նախընտրել դիվանագիտական լուծումները։