Իրանի նախագահը երախտագիտություն է հայտնել Ադրբեջանին և Թուրքիային
Աշխարհ
Իրանի Իսլամական Հանրապետության նախագահ Մասուդ Պեզեշքիանը երախտագիտություն է հայտնել Ադրբեջանին և Թուրքիային։
«Ազատ Իրան» տելեգրամյան ալիքի հաղորդմամբ՝ նա այս հայտարարությունն արել է Իսլամական հեղափոխության հաղթանակի 47-ամյակին նվիրված միջոցառման ժամանակ իր ելույթում։
Պեզեշքիանի խոսքով՝ հարևան երկրների հետ անկեղծ և եղբայրական հարաբերությունների կառուցումը մնում է Թեհրանի արտաքին քաղաքականության բացարձակ առաջնահերթությունը։ Նա ընդգծել է, որ այս մոտեցումը իրականացվում է երկրի գերագույն ղեկավարության ուղեցույցներին խիստ համապատասխան։
«Նրանք մուսուլմանական, բարեկամական և եղբայրական պետություններ են։ Մենք պարտավոր ենք ամրապնդել մեր կապերը։ Երբ թշնամիները փորձում էին դավադրություններ կազմակերպել մեր դեմ կամ սպառնալ մեզ, հարևանները զանգահարում էին միմյանց և մտահոգություն ու աջակցություն հայտնում», - հայտարարել է Իրանի նախագահը։
Մասուդ Պեզեշքիանը առանձին շնորհակալություն է հայտնել Ադրբեջանին և Ադրբեջանի նախագահին, ինչպես նաև իր թուրք գործընկերոջը և Թուրքիայի արտգործնախարարին։ Նա հավելել է, որ Կատարը, ԱՄԷ-ն, Պակիստանը, Սաուդյան Արաբիան և Եգիպտոսը նույնպես մտահոգություն են հայտնել ստեղծված իրավիճակի վերաբերյալ։
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
