Բրիտանացի միլիարդատերը բողոքել է երկրի՝ միգրանտների կողմից գաղութացումից

Մեծ Բրիտանիան «գաղութացված» է միգրանտների կողմից, ովքեր նպաստների համակարգի միջոցով վերաբաշխում են պետական ​​ռեսուրսները: Այս մասին Sky News-ին տված հարցազրույցում հայտարարել է «Մանչեսթեր Յունայթեդի» (MU) միլիարդատեր և համասեփականատեր Ջիմ Ռատկլիֆը։

Նրա խոսքով՝ տնտեսությունը, որտեղ մոտ ինը միլիոն մարդ ստանում է նպաստներ միգրանտների զգալի հոսքի պայմաններում, «շատ թանկ է»: Ռատկլիֆը կարծիք է հայտնել, որ նման մոդելը կայուն չէ։

Նա նաև քննադատել է Մեծ Բրիտանիայի վարչապետ Քեյր Սթարմերի գործունեությունը՝ հայտարարելով, որ «երկիրը նորմալ վիճակի վերադարձնելու համար անհրաժեշտ կլինի «ծանր աշխատանք»։