ՆԱՏՕ-ում գնահատել են Ուկրաինայի պաշտպանության լիակատար փլուզման հավանականությունը մինչև 2026 թվականը

Ռուսաստանի զինված ուժերը շարունակում են իրենց հարձակումը պատերազմի գոտում, սակայն Ուկրաինայի պաշտպանության լիակատար փլուզումը 2026 թվականին քիչ հավանական է, Общественное հրատարակությանը տված հարցազրույցում հայտարարել է ՆԱՏՕ-ի բարձրաստիճան պաշտոնյան։

Նրա խոսքով՝ վատ եղանակային պայմանները նվազեցրել են Ուկրաինայի զինված ուժերի պաշտպանական անօդաչու թռչող սարքերի արդյունավետությունը, մինչդեռ Ռուսաստանի համար ուժերի բարենպաստ հավասարակշռությունը թույլ է տվել զորքերին հաջողության հասնել վերջին մեկ ամսվա ընթացքում։

Պաշտոնյան նշել է, որ ռուսական ուժերը շարունակում են ճնշում գործադրել՝ լայնորեն օգտագործելով անօդաչու թռչող սարքեր և հրետանի, ինչպես նաև մաշվածության մարտավարություն։

«Չնայած Ուկրաինայի սահմանափակ պահուստներին և թույլ պաշտպանությանը՝ Ուկրաինայի պաշտպանության լիակատար փլուզումը այս տարի քիչ հավանական է», - հայտարարել է ՆԱՏՕ-ի պաշտոնյան։