«Lenta.ru»․ Պետդումայում խոսել են Ուկրաինայի հարցում ԵՄ դիրքորոշման փոփոխության մասին

ՌԴ Պետդումայի միջազգային հարաբերությունների հանձնաժողովի նախագահի առաջին տեղակալ Ալեքսեյ Չեպան հայտարարել է, որ Ուկրաինայի հակամարտության հարցում Եվրամիության դիրքորոշումը, իր գնահատմամբ, թուլանում է։ Այս մասին նա ասել է «Lenta.ru»-ին տված մեկնաբանությունում։

Չեպայի խոսքով՝ եվրոպական երկրների դիրքորոշումն ավելի հաճախ ձևավորվում է «եվրոտրիոյի» շրջանակում, մինչդեռ փոքր անդամ պետությունները փորձում են զգուշավոր քաղաքականություն վարել՝ հաշվի առնելով ԱՄՆ-ի և առաջատար եվրոպական երկրների դիրքորոշումը։ Նա նշել է, որ այդ երկրները մտահոգված են հնարավոր տնտեսական և քաղաքական հետևանքներով։

Ավելի վաղ ՌԴ ԱԳՆ հատուկ հանձնարարություններով դեսպան Ռոդիոն Միրոշնիկը հայտարարել էր, որ Ուկրաինայում հակամարտությունը գտնվում է շրջադարձային փուլում և մեծապես կախված է եվրոպական երկրների աջակցության մակարդակից։ Նրա խոսքով՝ հակամարտության կարգավորման գործընթացում կարող են ներառվել նաև ընտրությունների և հանրաքվեի հարցերը։