Վենեսուելան ու Միացյալ Նահանգները համաձայնության են եկել մեկ ոլորտում համագործակցության շուրջ

Վենեսուելան և Միացյալ Նահանգները համաձայնության են եկել էներգետիկայի ոլորտում համագործակցության ծրագիր մշակելու հարցում, որը պետք է հիմք լինի երկարաժամկետ գործընկերության համար։ Այս մասին հայտարարել է նախագահի հանձնակատար Դելսի Ռոդրիգեսը Կարակասում ԱՄՆ էներգետիկայի նախարար Քրիս Ռայթի հետ հանդիպումից հետո, հաղորդում է ՌԻԱ Նովոստին։

«Գլխավոր կետը երկարատև գործընկերություն ստեղծելն է։ Առաջին կետը էներգետիկ օրակարգի ձևավորումն է, որը ապագա համագործակցության հիմք կլինի և թույլ կտա մեզ աշխատել փոխլրացնող ձևով», - ասել է նա։