Թուրքիայում տղամարդը 150 գրամ ոսկի է գողացել ու ավանակին հեծնած փախուստի դիմել (տեսանյութ)
ԱյլԹուրքիայի բնակիչ Մեհմեթ Դ.-ն բեռնամբարձիչով թալանել է ոսկերչական խանութը, ապա դեպքի վայրից փախել ավանակին հեծնած, սակայն ի վերջո ձերբակալվել։ Այս մասին հաղորդել է DHA լրատվական գործակալությունը։
Միջադեպը տեղի է ունեցել Կայսերիի Մելիքգազի շրջանում։ Կասկածյալը գողացել է բեռնամբարձիչը և այն օգտագործել ոսկերչական խանութի դռները կոտրելու համար։ Նա գողացել է ընդհանուր առմամբ 150 գրամ ոսկի, ապա ավանակի վրա փախել դեպքի վայրից։ Դեպքը ֆիքսել են տեսախցիկները։
Հարցաքննության ժամանակ կասկածյալը հայտարարել է, որ հանցագործության պահին հարբած է եղել և ցանկացել է ավելի շատ ալկոհոլ գտնել։
«Ես իմ ավանակով հասա այդ տարածք։ Տեսա, որ ալկոհոլային խմիչքների խանութը փակ է, իսկ մոտակայքում բեռնամբարձիչ էր կայանված։ Ես այն գործի դրեցի՝ միացնելով լարերը և մեքենայով գնացի մեկ այլ ալկոհոլային խմիչքների խանութ, բայց հանկարծ տեսա ոսկերչական խանութ և հիշեցի իմ ֆինանսական խնդիրների մասին», - ասել է Մեհմեթ Դ.-ն։
Լրագրողների խոսքով՝ տուն վերադառնալիս տղամարդը ստել է հորը, որ իր մեքենան փչացել է։ Մեհմեթ Դ.-ն շուտով ձերբակալվել է ոստիկանության կողմից, և դատարանը նրան կալանավորել է՝ չնայած զղջմանը։ Գողացված ոսկին հայտնաբերվել և վերադարձվել է տիրոջը։
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
