Բազմազավակ մոր սառնարանում հայտնաբերվել են երկու նորածինների մարմիններ

Ֆրանսիայում բազմազավակ մայրը կասկածվում է երկու նորածինների սպանության մեջ, հաղորդում է Le Figaro-ն։

Ենթադրվում է, որ 50-ամյա կինը, որն արդեն իսկ ինը երեխա ունի երկու ամուսնություններից, ներգրավված է երկու նորածինների սպանության մեջ։ Նրանց մարմինները հայտնաբերվել են նրա տան սառնարանում։

Կինը առանց նախազգուշացման լքել է տունը, ինչը կասկածներ է հարուցել։ Մի աղբյուրի համաձայն, նրա որդիներից մեկը ներկայումս ապրում է այդ տանը։ Թե ինչ է նա պատմել ոստիկանությանը, դեռևս անհայտ է։

Կինը ձերբակալվել է չորեքշաբթի՝ փետրվարի 11-ին, Փարիզի շրջանում։ Նախնական հաղորդագրությունները ցույց են տալիս, որ նրան մեղադրանք է առաջադրվել կրկնակի մանկասպանության համար։