Ֆիթնես կենտրոնի կամ մարզասրահի գործունեություն իրականացնող անձը պետք է ծանուցի ԿԳՄՍ նախարարությանը
Գիտություն և Մշակույթ
ՀՀ կրթության, գիտության, մշակույթի և սպորտի նախարարությունը տեղեկացնում է՝ ֆիթնես կենտրոնի կամ մարզասրահի գործունեություն իրականացնող իրավաբանական անձը կամ անհատ ձեռնարկատերը պետք է ծանուցի ԿԳՄՍ նախարարությանը՝ «Գործունեության իրականացման ծանուցման մասին» ՀՀ օրենքի համաձայն:
Օրենքով սահմանված պատշաճ ծանուցմամբ ԿԳՄՍՆ պետք է ներկայացվեն նշված օրենքի 11-րդ հոդվածում նշված վավերապայմանները և ծանուցման ամսաթիվը: Հետագայում ԿԳՄՍՆ-ին անհրաժեշտ է տեղեկացնել նաև ծանուցման ժամանակ նշված վավերապայմանների փոփոխության մասին, եթե այդպիսիք առկա են:
Ֆիթնես կենտրոնի կամ մարզասրահի ծանուցման ենթակա գործունեության իրականացման իրավունք ձեռք բերելու համար իրավաբանական անձը կամ անհատ ձեռնարկատերը պետք է կատարի պետական տուրքի վճար՝ հիմք ընդունելով «Պետական տուրքի մասին» օրենքում կատարված փոփոխությունները:
2026 թվականի փետրվարի 15-ից ուժի մտնող փոփոխությունների համաձայն՝ օրենքի 20.1-ին հոդվածի 1-ին մասի աղյուսակը լրացվելու է ֆիթնես կենտրոնի կամ մարզասրահի գործունեությանը վերաբերող 22-րդ կետով: Պետական տուրքի վճարը պետք է կատարել 900005003729 հաշվեհամարին՝ նպատակ դաշտում լրացնելով՝ «Ֆիթնես կենտրոնի կամ մարզասրահի գործունեության իրականացման իրավունք ձեռք բերելու համար»:
ՈՒՂԻՂ ԵԹԵՐ
Ամենադիտված 
«Խոպան գնալուց առաջ գնացել էին աներոջ տուն՝ հաջող անելու». մանրամասներ վթարից մահացած ընտանիքի մասին
