Վան Յի. Չին-ԱՄՆ հարաբերությունների ապագան կախված է ԱՄՆ-ից

Չին-ամերիկյան հարաբերությունների զարգացման հեռանկարները կախված են հենց Միացյալ Նահանգներից, հայտարարել է Չինաստանի արտաքին գործերի նախարար Վան Ին։

«Երկխոսության և խորհրդակցությունների միջոցով մենք ձգտում ենք գտնել երկու խոշոր տերությունների միջև փոխգործակցության ճիշտ ուղին, որպեսզի նրանք կարողանան համակեցություն հաստատել այս մոլորակի վրա», - ասել է նա՝ ելույթ ունենալով Մյունխենի անվտանգության համաժողովում։

«Եվ մենք կշարունակենք հետևել այս ուղուն՝ երկու երկրների ժողովուրդների շահերից ելնելով՝ համապատասխան միջազգային հանրության սպասումներին։ Սակայն, թե արդյոք մենք կկարողանանք հասնել այս նպատակին, վերջնական արդյունքում կախված է Միացյալ Նահանգներից»։

Վան Ին պարզաբանել է, որ միջազգային իրավիճակը կախված է նրանից, թե արդյոք Պեկինը և Վաշինգտոնը կհամաձայնվեն։

«Հետևաբար, Չինաստանը Միացյալ Նահանգների հետ իր հարաբերություններին մոտենում է աշխարհի առջև պատասխանատվության զգացումով», - հավելել է նա։