ՌԴ 11 քաղաքացիների ազատ արձակումը Բաքվի կողմից կլիներ բարի կամքի դրսևորում․ Գալուզին

Բաքուն կարող է բարի կամքի ժեստ կատարել՝ ազատ արձակելով 11 ռուսաստանցիներին, ՏԱՍՍ-ին տված հարցազրույցում հայտարարել է Ռուսաստանի փոխարտգործնախարար Միխայիլ Գալուզինը։

«Ռուսաստանցիների արագ ազատ արձակումը մեր բացարձակ առաջնահերթությունն է», - հայտարարել է նա։

Գալուզինի խոսքով՝ Ռուսաստանի և Ադրբեջանի համապատասխան նախարարությունները ուսումնասիրում են քաղաքացիների հայրենադարձման տարբեր տարբերակներ։ Այս հարցը պարբերաբար բարձրացվում է երկկողմ քաղաքական շփումներում։

«Մեր դեսպանատունը սերտ կապի մեջ է ինչպես կալանավորվածների, այնպես էլ նրանց հարազատների հետ», - հավելել է Միխայիլ Գալուզինը։  

Հունիսի 27-ին Եկատերինբուրգում մի քանի տասնյակ ադրբեջանցիներ ձերբակալվեցին տարիներ առաջ կատարված սպանությունների մեղադրանքով: Ադրբեջանի արտաքին գործերի նախարարությունը «խիստ բողոք» էր հայտնել Ռուսաստանին՝ նշելով, որ «երկու ադրբեջանցի դաժանորեն սպանվել են»: Հուլիսի 1-ին Ադրբեջանում ձերբակալվեցին «Սպուտնիկ-Ադրբեջան»-ի յոթ աշխատակիցներ, այդ թվում՝ գլխավոր խմբագիր Իգոր Կարտավիխը և գլխավոր խմբագիր Եվգենի Բելոուսովը: Ավելի ուշ Ադրբեջանի Ներքին գործերի նախարարությունը հայտնեց ևս 10 ռուսաստանցու ձերբակալության մասին՝ Իրանից թմրանյութերի մաքսանենգության, թմրանյութերի ապօրինի շրջանառության և կիբեռհանցագործության մեղադրանքով: