Այդ տեսակ մարդկանց հարցերը մեզ համար լինելու են ամենավերջին շարքում. քաղաքապետ

Երևանի քաղաքապետ Տիգրան Ավինյանն անդրադարձել է Կիլիկիա թաղամասում մանկապարտեզի կառուցման աշխատանքների երկարաձգմանը։

Ըստ նրա, ամենամեծ խնդիրը կապված է եղել տարածքի հետ. «Մի քանի խոշոր գործարարներ, հիմնականում՝ հայազգի, բայց ոչ հայաստանաբնակ, այնտեղ խոշոր տարածքներ ունեին ու տարբեր բանակցություններ էին մեզ հետ վարում, թե մենք ձեզ այս տանք, դուք մեզ այն տաք։ Բավական կոշտ բանակցությունների արդյունքում հասկացանք, որ այդ մարդկանց հետ հնարավոր չէ որևէ համաձայնության գալ, և որևէ տրամաբանություն կար նրանց պահանջների մեջ։ Եւ ասեմ ավելին՝ այս բանակցություններն ավելի լույս են սփռում, թե այդ տեսակ մարդիկ ով են, սահմանափակ հետաքրքրությունների շրջանակն ինչ է։ Հետևապես, մեր վերաբերմունքն այդ տեսակ մարդկանց՝ օլիգարխիկ այդ շրջանակների ներկայացուցիչների նկատմամբ պետք է լինի համապատասխան։ Իրենց հարցերը մեզ համար լինելու են ամենավերջին շարքում»,- ասել է նա։