Bild: Գերմանիան ևս վեց ամսով կերկարաձգի սահմանային վերահսկողությունը

Գերմանիայի իշխանությունները նախատեսում են սահմանային վերահսկողությունը հարևան երկրների հետ երկարաձգել մինչև սեպտեմբերի 15-ը, հաղորդում է Bild թերթը։ Ըստ թերթի՝ համապատասխան ծանուցումը շուտով կուղարկվի Եվրոպական հանձնաժողովին։

«Մենք երկարաձգում ենք սահմանային վերահսկողությունը մեր հարևան երկրների հետ։ Սահմանային վերահսկողությունը Գերմանիայում միգրացիոն քաղաքականության վերակազմակերպման մաս է կազմում», - թերթին ասել է Գերմանիայի ներքին գործերի նախարար Ալեքսանդր Դոբրինդտը։ 2025 թվականի մայիսի 7-ին ներքին գործերի նախարարը չեղյալ է հայտարարել նախորդ կաբինետի 2015 թվականի որոշումը, որը թույլ էր տալիս ապաստան խնդրողներին մուտք գործել երկիր։

Այժմ նրանց սահմաններին մերժում են, եթե նրանք արդեն դիմումներ են ներկայացրել ԵՄ այլ երկրներում, սակայն դա չի վերաբերում հղի կանանց, երեխաներին և այլ խոցելի խմբերի։ Դոբրինդտը հայտարարել է վերահսկողության ուժեղացման և երկրի սահմաններում ստուգումներ իրականացնող դաշնային ոստիկանության աշխատակիցների թվի ավելացման մասին։