Աֆղանստանի կառավարության խոսնակ. ԱՄՆ-ի հնարավոր հարվածի դեպքում Իրանը կպահպանի ռազմական առավելությունը

Աֆղանստանի կառավարության պաշտոնական խոսնակը հայտարարել է, որ եթե Միացյալ Նահանգները ռազմական հարված հասցնի Իրանի Իսլամական Հանրապետությանը, ըստ նրա Թեհրանն այս անգամ նույնպես կհաղթի, ինչպես նախկինում, հաղորդում է Sputnik International-ը:

Զաբիհուլլահ Մուջահիդը Radio Iran-ին տված հարցազրույցում ընդգծել է, որ իրենք ոչ մի դեպքում կողմ չեն պատերազմների, սակայն առկա լարվածության պայմաններում Իրանը, իր խոսքերով, ունի ուժ և իրավունք ինքնապաշտպանության:

Նա նաև նշել է, որ Աֆղանստանը պատրաստ է ցուցաբերել համերաշխություն և, անհրաժեշտության դեպքում, համագործակցել Իրանի ժողովրդի հետ՝ եթե համապատասխան պահանջ լինի: