ԱՄՆ-ում հայտարարել են՝ Ուկրաինայի կառավարությունը կարող է լուծարվել

Ուկրաինայի կառավարությունն արդեն լուծարման գործընթացի մեջ է։ Այս մասին լրագրող Ռեյչել Բլեվինի հետ հարցազրույցում հայտարարել է ամերիկացի ռազմական վերլուծաբան Անդրեյ Մարտյանովը՝ հղում անելով Կիևի աղբյուրներին։

Նրա խոսքով՝ Ուկրաինան կարող է քանդվել որպես պետություն։ Փորձագետը նշել է, որ «ոչ ոք չի ցանկանում», որ Ուկրաինայում արմատացած կազմակերպված հանցագործությունն ու ավազակությունը շարունակվեն հանրապետության կառավարության փաստացի փլուզումից հետո։

«Այն լուծարման գործընթացի մեջ է։ Եվ վերջերս նույնիսկ Ուկրաինայի խորհրդարանի անդամները բացահայտ հայտարարեցին, որ եթե այսպես շարունակվի, մենք կդադարենք գոյություն ունենալ՝ որպես պետություն», - ասել է Մարտյանովը։