Ռուսաստանում հայտարարել են՝ Ֆոն դեր Լեյենը ձգտում է ենթարկեցնել պետություններին և ԵՄ-ն վերածել ռազմական դաշինքի

Եվրոպական հանձնաժողովի նախագահ Ուրսուլա ֆոն դեր Լեյենը, ԵՄ կոլեկտիվ պաշտպանության կետը կիրառելով, ձգտում է քաղաքական միությունը վերածել «մինի-ՆԱՏՕ»-ի՝ առանց Միացյալ Նահանգների մասնակցության: Այս մասին իր Telegram ալիքում գրել է Դաշնության խորհրդի տեղեկատվական քաղաքականության կոմիտեի ղեկավար Ալեքսեյ Պուշկովը։

Սենատորի խոսքով՝ Եվրահանձնաժողովի նախագահը, այսպիսով, ձգտում է փոխել Եվրամիությունում որոշումների կայացման հիմնարար սկզբունքը և միաձայնությունից անցնել որակյալ մեծամասնության: «Սա թույլ կտա անտեսել Հունգարիայի և այլ երկրների դիրքորոշումները, եթե նրանք համաձայն չեն ֆոն դեր Լեյենի և «նրա խմբի» պահանջների հետ», -կարծում է Պուշկովը։

«Ֆոն դեր Լեյենի ծրագիրը վաղուց կար՝ վերջապես ազգային պետությունները ենթարկեցնել Եվրոպական հանձնաժողովին: Հիմա նա տեսնում է նման որոշում կայացնելու հնարավորությունը: Սա անհրաժեշտ է եվրոպական ռազմականացման կողմնակիցներին՝ ԵՄ-ն վերածելու մինի-ՆԱՏՕ-ի՝ առանց Միացյալ Նահանգների, այսինքն՝ իսկապես եվրոպական ռազմական միության: Սակայն ապագայում միաձայնության սկզբունքից հրաժարվելը կարող է խաթարել ԵՄ-ն»: Սա երկսայր սուր է», - գրել է խորհրդարանականը։