ԱՄՆ-ն ոչ մեկին չի ստիպում ստորագրել խաղաղության համաձայնագիր․ Ռուբիո

«Միացյալ Նահանգները ոչ մեկին չի ստիպում կնքել խաղաղության համաձայնագիր՝ Ուկրաինայում պատերազմը դադարեցնելու համար»։

Այս հայտարարությունն արել է ԱՄՆ սենատոր Մարկո Ռուբիոն մամուլի ասուլիսի ժամանակ։

Նրա խոսքով՝ Վաշինգտոնը շահագրգռված է ռուս-ուկրաինական պատերազմի ավարտով և պատրաստ է ամեն ջանք գործադրել այդ նպատակին հասնելու համար։

Ավելին, Ռուբիոն նշել է, որ Միացյալ Նահանգները աշխարհում միակ երկիրն է, որը կարող է երկու կողմերին բերել բանակցային սեղանի շուրջ։

«Ես չեմ ուզում որևէ մեկին վիրավորել, բայց Միավորված Ազգերի Կազմակերպությունը չի կարողացել դա անել։ Եվրոպայի ոչ մի երկիր չի կարողացել դա անել», - ասել է Ռուբիոն։

Նա հավելել է, որ Միացյալ Նահանգները կարծում է՝ այս պատերազմը երբեք չպետք է սկսվեր և պետք է հնարավորինս շուտ ավարտվի։