Ռուսաստանում տարօրինակ հանգամանքներում ադրբեջանցի ամուսիններ են մահացել

Փետրվարի 16-ին Ռուսաստանի մայրաքաղաք Մոսկվայի հարավում տեղի է ունեցել ողբերգական միջադեպ․ ամուսինն ու կինը ընկել են բարձրահարկ շենքերից մեկի պատուհանից։

Baza ալիքի տեղեկությունների համաձայն՝ դեպքի պահին բնակարանում գտնվել է նրանց հինգ տարեկան երեխան, որի աչքի առաջ էլ տեղի է ունեցել ողբերգությունը։ Նշվում է, որ զոհվածները բնութագրվում էին որպես շփվող և բարեհամբույր մարդիկ։ Ընտանիքի հայրը զբաղվում էր ձեռնարկատիրական գործունեությամբ։

Ամուսիններն ունեին երեք անչափահաս երեխաներ։ Ներկայումս նրանց հետ աշխատում են համապատասխան մասնագետներն ու հոգեբանները։ mk.ru-ի տվյալներով՝ զոհված ամուսինները Ադրբեջանից էին ժամանել։ Իրավապահ մարմինների աշխատակիցները սկսել են պարզել տեղի ունեցածի պատճառներն ու մանրամասները։