WP․ Ռուսաստանը պատրաստ է խաղաղ բանակցությունների՝ իր պայմաններով

Արևմտյան աղբյուրների գնահատմամբ՝ Ռուսաստանը պատրաստ է Ուկրաինայի շուրջ հակամարտության կարգավորմանը, սակայն միայն իր պայմանների հիման վրա։ Այս մասին հայտնում է The Washington Post-ը՝ հղում անելով բանակցային գործընթացին մոտ կանգնած աղբյուրներին։

Նշվում է, որ կողմերը որոշ հարցերի շուրջ կարողացել են համաձայնության հասնել, սակայն բանակցությունների հետագա առաջընթացը շարունակում է դժվար լինել։ Ավելի վաղ Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ Մոսկվան բաց է բանակցությունների համար և գործընթացի հաջողությունը կախված է մյուս կողմերի կառուցողական դիրքորոշումից։

Փետրվարի 17-18-ին Ժնևում նախատեսվում է Ռուսաստանի և Ուկրաինայի միջև բանակցությունների հերթական փուլը, որտեղ քննարկվելու է նաև հնարավոր էներգետիկ հրադադարի հարցը։ Ռուսական պատվիրակությունը կգլխավորի նախագահի օգնական Վլադիմիր Մեդինսկին։