Հնդկական դեղագործական ընկերությունը պատրաստվում է քաշի նվազեցման հայտնի դեղի էժան տարբերակ թողարկել

Հնդկական Dr Reddy’s Laboratories ընկերությունը մտադիր է թողարկել քաշի նվազեցման հայտնի Wegovy դեղամիջոցի գեներիկ տարբերակը՝ մոտավորապես 60 տոկոսով ավելի էժան արժեքով, եթե ստանա համապատասխան թույլտվություն։ Այս մասին Reuters-ին հայտնել է ընկերության համանախագահ և գործադիր տնօրեն Գ․ Վ․ Պրասադը։

Wegovy-ն մշակվել է դանիական Novo Nordisk ընկերության կողմից և համարվում է քաշի նվազեցման ամենապահանջված դեղերից մեկը։ Dr Reddy’s-ը արդեն ստացել է Հնդկաստանի դեղերի կարգավորող մարմնի թույլտվությունը արտադրելու և վաճառելու շաքարախտի բուժման համար նախատեսված Ozempic դեղամիջոցի գեներիկ տարբերակը։

Ընկերությունը այժմ սպասում է Wegovy-ի գեներիկ տարբերակի հաստատմանը, ինչը կարող է զգալիորեն մեծացնել նման դեղերի հասանելիությունը և նվազեցնել դրանց արժեքը շուկայում։