Մակրոնը առավոտյան վազքի է դուրս եկել Հնդկաստանում

Ֆրանսիայի նախագահ Էմանուել Մակրոնը առավոտյան վազքի է դուրս եկել Հնդկաստանի Մումբայ քաղաքում, հաղորդում է India Today-ը։ Ֆրանսիայի առաջնորդը նախկինում Հնդկաստան էր ժամանել փետրվարի 17-19-ը եռօրյա այցով։ Այս մասին գրում է Euromedia24-ը։

«Առավոտյան հայտնի Մարին Դրայվի զբոսայգում զբոսնող մարդկանց սովորական հոսքի մեջ էր նաև Ֆրանսիայի նախագահը, որը երեկ երեկոյան կնոջ (Բրիջիթ Մակրոնի) հետ ժամանել էր Հնդկաստան՝ վարչապետ Նարենդրա Մոդիի հետ հանդիպելու համար։

Իր կանոնավոր մարզումներով հայտնի Էմանուել Մակրոնը հագնված էր անկաշկանդ՝ մուգ կապույտ մարզաշապիկ և սև արևային ակնոցներ», - նշվում է հաղորդագրության մեջ։ 

Ֆրանսիայի առաջնորդին առավոտյան վազքի ժամանակ ուղեկցում էին իր անվտանգության աշխատակիցները։ Հեռուստաալիքը հայտնել է, որ սոցիալական ցանցերում տարածվել է Մակրոնի տեսանյութը, որտեղ նա վազում է ափամերձ գոտում՝ շրջապատված իր անվտանգության աշխատակիցներով։