Օտարերկրյա հետախուզությունները կարող են հետևել ռուս զինվորների Telegram հաղորդագրություններին. Շադաև

Ռուսաստանի Դաշնության թվային զարգացման, կապի և զանգվածային հաղորդակցությունների նախարար Մաքսուտ Շադաևը հայտարարել է, որ օտարերկրյա հետախուզական ծառայությունները կարող են հետևել ռուս զինվորների հաղորդագրություններին Telegram ծրագրով, հայտնում է Interfax։ Telegram-ը լայնորեն օգտագործվում է ռուս զինված ուժերի կողմից, սակայն իշխանությունները սահմանափակումներ են դրել դրա վրա՝ մեղադրելով ծայրահեղական նյութերը չհեռացնելու մեջ։

Շադաևի խոսքով, բազմաթիվ փաստեր են ցույց տալիս, որ օտարերկրյա հետախուզությունները օգտվում են ծրագրի տվյալներից ռուս զինված ուժերի դեմ, հայտնում է Reuters-ը։