Մարգարիտա Սիմոնյանը արձագանքել է արտաքին տեսքի քննադատությանը

RT հեռուստաընկերության և «Россия сегодня» միջազգային մեդիախմբի գլխավոր խմբագիր Մարգարիտա Սիմոնյանը, որը բուժում է անցնում քաղցկեղի դեմ, պատասխանել է իր արտաքին տեսքի վերաբերյալ հնչած քննադատությանը։ Այս մասին նա գրել է Telegram-ի իր էջում՝ արձագանքելով օգտատերերից մեկի մեկնաբանությանը։

Սիմոնյանը նշել է, որ բուժման ընթացքում մոտ հինգ կիլոգրամ քաշ է ավելացրել, ինչպես նախապես զգուշացրել էին բժիշկները։ Նրա խոսքով՝ մազաթափությունը նույնպես կապված է քիմիաթերապիայի հետ։ Մեդիամենեջերը ընդգծել է, որ երբեք նպատակ չի ունեցել իր արտաքինով որևէ մեկին վիրավորել կամ շեշտել հիվանդության հետևանքները։

Նա նաև հավելել է, որ առօրյա, ոչ պաշտոնական միջավայրում հաճախ նախընտրում է հարմարավետ հագուստ կրել։ Ավելի վաղ Սիմոնյանը պատմել էր իր բուժման ընթացքի մասին՝ նշելով, որ հիվանդության զարգացումը սրվել է ուժեղ սթրեսի հետևանքով։