NYT-ը հայտնել է, որ Պուտինը վստահ է Ռուսաստանի հաղթանակին Ուկրաինայում

Արևմտյան հետախուզական և ռազմական շրջանակների ներկայացուցիչները կարծում են, որ Ռուսաստանի նախագահ Վլադիմիր Պուտինը համոզված է Ուկրաինայում հաղթանակի հնարավորության մեջ և պատրաստ է շարունակել մարտական գործողությունները Դոնբասի համար ևս մոտ երկու տարի։ Այս մասին գրում է The New York Times-ը՝ հղում անելով իր աղբյուրներին։

Պարբերականի տվյալներով՝ Պուտինը կարծում է, որ նույնիսկ եթե ուկրաինական զորքերի դուրսմղումը Դոնբասից տևի շուրջ 18 ամիս, ռուսական բանակի գործողությունները շարունակաբար ուժեղացնում են Ռուսաստանի բանակցային դիրքերը։ Աղբյուրների գնահատմամբ՝ այս վստահությունը կարող է ազդել հակամարտության շուրջ քաղաքական և դիվանագիտական գործընթացների վրա։

Ավելի վաղ Ժնևում անցկացված բանակցություններից հետո Ուկրաինայի պատվիրակության ղեկավար Ռուստեմ Ումերովը հայտարարել էր, որ խաղաղ գործընթացի հաջորդ փուլը ռուսական կողմի հետ առանցքային որոշումների շուրջ համաձայնության հասնելն ու դրանք երկու երկրների առաջնորդներին ներկայացնելն է։