Ընձառյուծը և առյուծը նույն օրվա մեջ հարձակվել են մարդկանց վրա

Հնդկաստանի Ամրելի շրջանում նույն օրը տեղի է ունեցել վայրի կենդանիների երկու հարձակում մարդկանց վրա։ Այս մասին հայտնում է ETV Bharat-ը։

Գովինդպուր գյուղում առյուծը հարձակվել է 45-ամյա Մանջու Սոլանկիի վրա, երբ նա ջրում էր մանգոյի այգին։ Տեղացիները փորձել են օգնել կնոջը, սակայն ստացած ծանր վնասվածքների հետևանքով նա չի փրկվել։ Կենդանուն հետագայում բռնել են։

Նույն օրը Պիթվաջալ գյուղում ընձառյուծը հարձակվել է հինգ տարեկան աղջկա վրա, որը դաշտում աշխատում էր հոր հետ։ Երեխան վնասվածք է ստացել և տեղափոխվել հիվանդանոց։ Ընձառյուծի որոնումները շարունակվում են։