Ուղևորատար ինքնաթիռը հրաժարվել է վթարային վայրէջքից Ռուսաստանում և վերադարձել Ճապոնիա

Ճապոնիայից Գերմանիա մեկնող All Nippon Airways (ANA) ավիաընկերության չվերթի ուղևորները մոտ 14 ժամ անցկացրել են օդում և վերջում վերադարձել մեկնման օդանավակայան։ Դեպքի մասին հայտնել է Bild-ը։

Փետրվարի 17-ին Տոկիոյի Հանեդա օդանավակայանից Ֆրանկֆուրտ մեկնած Boeing 787-9 Dreamliner ինքնաթիռը, որի վրա եղել են 151 ուղևոր և 13 անձնակազմի անդամ, թռիչքից մոտ վեց ժամ անց հայտնել է տեխնիկական խնդրի մասին․ շարժիչի յուղի մակարդակը սկսել է նվազել։ Դրանից հետո օդանավը շրջվել է Ալյասկայի տարածքում և որոշում է կայացվել վերադառնալ Տոկիո։

Ինքնաթիռը հրաժարվել է ճանապարհին գտնվող մի շարք օդանավակայաններում, այդ թվում՝ Ռուսաստանում և Կանադայում, վթարային վայրէջք կատարելու հնարավորությունից և ևս մի քանի ժամ թռիչքից հետո անվտանգ վերադարձել է Հանեդա օդանավակայան։ Ընդհանուր առմամբ օդանավը անցել է մոտ 10 հազար կիլոմետր, իսկ ավիաընկերությունը միջադեպը անվանել է «ուշացում» և ներողություն է խնդրել ուղևորներից։