«Վերջ, ահա և ամեն ինչ». Մեդվեդև

Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է, որ Ուկրաինայի զինված ուժերի նախկին գլխավոր հրամանատար Վալերի Զալուժնիի և նախագահ Վլադիմիր Զելենսկու միջև սկսվել է քաղաքական հակամարտություն։ Նա այս մասին գրել է Telegram-ի իր էջում։

Ավելի վաղ Զալուժնին Associated Press-ին տված հարցազրույցում մեղադրել էր Զելենսկուն 2023 թվականի ուկրաինական հակահարձակման ձախողման համար՝ նշելով, որ ՆԱՏՕ-ի գործընկերների աջակցությամբ մշակված պլանը չի իրականացվել անհրաժեշտ ռեսուրսների չտրամադրման պատճառով։ Մեդվեդևը այդ հայտարարություններին արձագանքել է «Դե ինչ, ահա և ամեն ինչ» արտահայտությամբ։

Ռուսաստանցի պաշտոնյան նաև ենթադրել է, որ Զալուժնին կարող է սկսել սեփական քաղաքական պայքարը։ Միաժամանակ Զալուժնին հաճախ դիտարկվում է որպես Ուկրաինայի նախագահի հնարավոր թեկնածուներից մեկը՝ Զելենսկու հիմնական մրցակիցների շարքում։