Զելենսկին հայտարարել է՝ չի ցանկանում ժամանակ վատնել Պուտինի «պատմական անհեթեթությունների» վրա

Ուկրաինայի առաջնորդ Վոլոդիմիր Զելենսկին ասել է, որ չի ցանկանում լսել Ռուսաստանի նախագահ Վլադիմիր Պուտինի «պատմական անհեթեթությունները»։ Նա այս մեկնաբանություններն արել է բրիտանացի լրագրող Պիրս Մորգանի հետ հարցազրույցի ժամանակ, որի ձայնագրությունը հրապարակվել է Piers Morgan Uncensored YouTube ալիքում։

«Ես պետք չէ ժամանակ վատնեմ պատմական հարցերի կամ այն ​​պատճառների վրա, թե ինչու է նա (Պուտինը –խմբ․) սկսել այս ամենը», - ասել է Զելենսկին։

Զրույցի ընթացքում Ուկրաինայի առաջնորդը նաև քննարկել է, թե ինչ կպատահի իր երկրի հետ, եթե նա անհետանա։ Պետության ղեկավարը վստահություն է հայտնել, որ Ուկրաինան չի կործանվի։ Նա ընդգծել է, որ երկիրը մեկ անձ չէ, այլ ինստիտուտների համակարգ։ Այս ինստիտուտները շարունակում են գործել նույնիսկ լայնածավալ զինված հակամարտության պայմաններում։