Գերմանիան մեծացնում է կախվածությունը ԱՄՆ-ից՝ նախատեսելով նոր F-35 կործանիչների գնում

Գերմանիան քննարկում է ամերիկյան F-35 կործանիչների առաքման ծավալները մեծացնելու հնարավորությունը, ինչը կխորացնի Բեռլինի կախվածությունը ԱՄՆ-ի ռազմական տեխնոլոգիաներից, քանի որ Ֆրանսիայի հետ համատեղ հաջորդ սերնդի կործանիչների ծրագիրը խափանվել է, հայտնում է Reuters-ը։

Աղբյուրներից մեկը նշել է, որ բանակցությունները կարող են հանգեցնել 35-ից ավել ինքնաթիռների նոր պատվերի, սակայն արդյունքը դեռ անորոշ է։ 2022-ին Գերմանիան արդեն ձեռք է բերել 35 ինքնաթիռ, որոնց առաքումը նախատեսված է այս տարվա ընթացքում։

Եթե Գերմանիան ձեռք բերի հավելյալ F-35 կործանիչներ, ապա այդ քայլը կնպաստի երկրի ժամանակ շահելուն հաջորդ սերնդի կործանիչի մշակման և գործընկեր ընտրելու գործընթացում: F-35-ը կփոխարինի Tornado ինքնաթիռներին: